Slovniky prověrky pravopisa medžuslovjanskogo jezyka za LibreOffice, Firefox i vsake redaktory s podporoju Hunspell.
Dva slovnika — latinica i kirilica, — sobrane iz leksikona: vse javne slova vo vsih formah, ktore tvori gramatičny motor.
Versija 2026.9.26 od 2026-09-26: 1,230,252 form latinicoju, 1,296,658 — kiriliceju.
Rasprostranjeno pod licencijeu CC BY-SA 4.0; polny tekst — v fajlu LICENSE.txt vnutri vsakogo arhiva.
Skačajte isv-spellcheck.oxt i otvorite jego dvojnym kliknutjem (ili Servis → Upravjanje rozšireniami → Dodati). Potom označite tekst i izberite jezyk v Format → Znaky → Jezyk.
Firefox i Thunderbird instalujut slovniky jedino kako podpisane rozširenja — takogo ješče ne jest. Fajly iz arhiva možno dodati ručno v brauzery na osnově Chromium i v sistemnu prověrku pravopisa.
V arhivu isv-hunspell.zip sut fajly isv_Latn.dic/.aff i isv_Cyrl.dic/.aff. Razuměju je VS Code (rozširenja na Hunspell), Obsidian, Vim/Neovim (črez hunspell), Emacs i sistemna prověrka pravopisa v Linux.
Oba slovnika prijimajut jednake pisanja: standardno (člověk / чловєк), kanonično etimologično (język, sųt, sę / чловѣк) i rasprostranjeno uprosčeno (človek / чловек); podskazky vedut k standardnomu.