Dobry denj, dragi ljudi. Ja byh htěla ko Vam govoriti o svojem učenju medžuslovjanskogo jezyka

zato čto, podolg mene, to jest interesny i neobyčny proces, on ne jest podobny k mojemu učenju drugyh jezykov.

Na priměr, kogda ja jesm učila sebe anglijsky v školě i němečsky v universitetu,

to bylo normalno učenje pravil jezyka s pomočju područnikov, učebnikov. I ja jesm privykla

k takovym metodam. I vslěd togo mojego stereotipa najprvo ja jesm htěla tako

učiti sebe i medžuslovjansky jezyk. Ale faktično jest obratno. Ja i mnogi ljudi sut se naučili medžuslovjansky jezyk

iz kontentu v Internetu, iz komunikacije, to jest my čitajemo, pišemo i

govorimo v medžuslovjanskyh čatah i odtud dobyvajemo naše znanje medžuslovjanskogo.

I ja jesm slyšala, že učenje vsakogo jezyka od nositeljej jezyka jest prědobry metod

i jesm rada že to jest možlivo v medžuslovjanskyh čatah. I, čto vyše, kromě togo,

v medžuslovjanskom serveru imajemo: i područniky, i pouky ktore dělajut dobrovoljci.

Za mene jest mnogo milo že komunikacija v medžuslovjanskom serveru jest možliva od prvogo dnja učenja.

My - mnogi ljudi - od prvogo dnja učenja pišimo tamo poslanja medžuslovjanskym jezykom pri pomoči slovnika

i pri pomoči priměrov drugyh govoriteljev. Podolg mene, to jest mnogo interesno učiti se iz realnogo razgovora,

i voobče imati realny razgovor, realny dialog so Slovjanami od vsěgo světu než učiti se od simulacije:

od čitanja ili slušanja dialogov v učebnikah, v obyčajnyh metodah učenja.

Ja jesm imala togo prěmnogo v minulosti, v učenju drugyh jezykov, i v tutčas ja jesm rada

pokušati se probovati něčto drugo.

V procesu učenja medžuslovjanskogo jezyka ja jesm imala mnoge insighty.

I jedin insight byl v početku učenja kogda v čatu mene rěkli že:

“Vsaky člověk, ktory znaje [někaky] slovjansky jezyk, imaje znanje, ktoro on ne koristaje v svojem životu”.

I tutčas ja pametaju už mnogo medžuslovjanskyh slov, fraz, gramatiku i razuměju že

večinstvo jih, priblizno 70% procentov podobnostij ko mojemu rodnomu jezyku

jesm priblizno vsegda znala, ale [jesm] ne mogla domysljati se že ja voobče to znaju

i imaju to v glavě. I to jest dost veliko znanje, ktoro ja jesm i tako imala, ale

nikako [jesm] ne upotrěbjala. I v tutčas ja jesm ščestliva že mogu to koristati.

Kako možete viděte, medžuslovjansky kontent imaje videa, pěsnje, teksty, memy, anekdoty, humor i tako dalje-

samoočevidno to darovaje emocionalno prěživanje. Kako znajemo, dobra emocija vsegda

jest pomočna za učenje. Ako li člověk imaje dobru emociju, on vyše razuměje jezyk

i vyše legko se uči jezyku. Tako ja jesm slyšala od naučnikov, i čto vyše,

ja vidžu kako v mojej krajině něktori naučniki imajut interes

do iztvorjenja takovyh kursov da by emocionalno prěživanje i komunikacija sut byli na prvom městu

i tut jest[vujut] někake nazvy od takovyh naučnikov, realno imajemo jih vyše. Oni

starajut se tako dělati, ale ja vidžu že v MS projektu už davno imajemo emocionalno prěživanje v učenju

Na koncu mojego videa ja hču skazati Vam:

hvala za gledanje! Prošu pomilujte mene za grěšky.

Imajte dobry denj. Pozdrav.