Bogaty otec i syn

kategorija: RAZLIČNO datum: 2022-08-05, avtor: ZK

Ovu bajku jesm našel na internetu bez avtora. Byla napisana na češskom jezyku. Bajka jest mnogo zajmliva i poučna. Tu jest moje prěloženje na medžuslovjansky jezyk:

---

Bogaty otec hčel, daby jegov syn poznal, čto znači byti bědny, a vzęl jego na několiko dnev do familije zemjedělca. Dětę tamo pobylo tri dnji i tri noći.
Poslě povrata v grad avtomobilom otec zapytal jego:

„Kake sut tvoji izkušenosti?“
„Dobre“, odgovoril junoš (mladec)
„Jesi li dovědal sę něčto?“

Mladec pa izjasnil:

„Imajemo psa a oni imajut kromě psa, 20 kur (kuric, kokošek), kotky, kačky i kravu v hlěvu. Togdy imajut mlěko i jajca.
Imajemo basen s prilagodženoju vodoju, v kojem ne plavaje ni listja ni travy.
Oni imajut v lěsu maly potoček (potok) s kristalno čistoju vodoju, rybami, koj je idealny za skakanje v galošah (gumna obuv).
V sadu imajemo električno osvěćenje, ale oni imajut zvězdy, měsęc i dělajut ogonj. Na njem možeš grilovati kolbasy.
Naš sad dosęgne až k ogradě. Jihny sad dosęgne až k obzoru.
My idemo najesti sę v gostinec a oni robęt na svojih poljah, žnut jih i gotovęt jedanje.
My slušajemo muziku v mobilnom telefonu a oni vkupě pěvajut i sami tvoręt muziku.
My prihodimo iz školy i iz raboty. Jedilo jest v mikrovolnoj peći. Vsekto sědi samostojno jedin u stola i jedaje. U njih doma vari jedilo mamka ili babuška na stolnoj peći. Jedajut vsi zajedno.
Da byhom sebe ohranili, jesmo okruženi trevožnymi signalizacijami. Oni živęt s otvorjenymi dverami, ohranjemi družstvom svojih sosědov.
My jesmo svęzani telefonom, kompjuterom, televizijeju. Oni sut svęzani s životom (žitjem), nebom, solncem, vodoju, poljami, zvěrjami, stěnjem i familijeju.“

Otec byl čuvstvami syna udivjeny.

Syn zaključil: „Hvala za to, že ty mně pokazal, kako my jesmo bědni. Vsakym dnjem jesmo bědněši i bolje bědnějši zato, že ne ględimo prirodu.

QR-kod članka