Hej Ty Zemjo

Hej, vy, gory. Hej, vy, lěsy! Slyšite moj glas! Ja tu pěsnju pěvam da by pozdraviti vas! Pozdraviti vas!

Ja jesm mnogo blagodarny Za vsaky vaš dar Za to, že mene krmite za zeleny čar, za zeleny čar

Hej, vy, rěky. Hej, jezera! Koliko uže lět Davajete život ljudam Ktori idut v svět, ktori idut v svět?

Vy jeste početok žitja, Ja blagodarju vam Za to, že vy davajete Vašu vodu nam, vašu vodu nam.

Hej, vy travy! Hej, vy drěva! Mojej pěsnje ton Jest velikym proslavěnjem Zvuči kako zvon, zvuči kako zvon!

Vaše dary, zemske plody Cěnne sut za nas Ako li by vas ne bylo Bědny tut naš čas, bědny tut naš čas!

Vodo, ognju, silny větre Velika hvala vam Ja byh umrl na tom světu ako byh ja byl sam, ako byh byl sam!

Hej, ty Zemjo, naša Zemjo! Ja jesm kako těnj Ja hču prěžiti tut s toboju ješče jedin denj, ješče jedin denj!