Mimohodom, to sųt informacije, ktore ja jesm našel odnosno komentaŕev.

Či jest sposob, da byh ja mogl učęstvovati v decizijah dělanyh odnosno izměn kodov językov? Komentaŕe sųt milo viděne pri vśakoj izměně opisanoj kako "Aktuaľna" v Indeksu Prośb Izměn. Podavajte vaše komentaŕe do iso639-3@sil.org. My prosimo, da by vključiti nomer prośby o izměnų v vašej temě.

Vśakoročny Cikl Izměn Jedin cělj językovogo koda ISO 639-3 jest garantovanje efektivnoj kompatibiľnosti dlja tyh, ktori označajųt dane s koristanjem tyh identifikatorov. Dlja togo potrěbna jest stabiľnosť v sbirkě kodov, itak izměny sųt dělane kako grupa i generaľno ne čęsto. Zato, ustanovjeny byl ročny proces izměn, da by obråbotyvati i ustanoviti nove identifikatory, ili aktualizovati informacije svęzane s identifikatorami.

Prośby izměn sųt prijmane prěz cěly kalendaŕevy rok. Prośby izměn dobyte po 31. sŕpnja (31.08) sųt obråbotyvane v nastųpnom roku, zajedno s izměnami dobytymi od styčnja (1. měsęc) do sŕpnja (8. měsęc) togo roka. Vse prědložene izměny sųt obråbotane Vlasťjų Registracije do 15. sŕpnja togo roka, vo ktorom one bųdųt råzglědane. One sųt publikovane na sajtu do 15. sŕpnja dlja [dobyvanja]* komentaŕev od vněšnyh ekspertov i zainteresovanyh ljudi. Period komentaŕev zatvarja sę 15.-ogo dekembra (15.12), po čim Registracija děla konečne decizije odnosno togo, či prijęti prośbų, či jų odkydnųti. Konečny spis izměn jest publikovany na sajtu do konca styčnja v roku, ktory jest po decizijah. V nemnogyh slučajah, decizija može byti odložena, da by dobyti dodatočne informacije od člověka, ktory prosi o izměnų, ili da by råzględěti faktory, ktore ne byli označene v originaľnoj prośbě.