Maly princ

kategorija: KULTURA - OBČINA - HISTORIJA datum: 2022-09-13, avtor: aVM

Maly princ jest najznanějša kniga francuzskogo pisatelja i pilota vojennyh samoletov Antoine de Saint-Exupéry (1900-1944, čitaje se antuan de sen-tekzyperi). Kniga byla napisana lěta 1943, i prinaleži do najluščih dětskyh povědok modernoj světovoj literatury 20 (dvadesetogo) stolětja. Kniga sodržaje mnogo metafor i upodobnjenj, kde možno najdti pomysly, ktore avtor vyše konkretno ješče pisal do knigy Zemja ljudij. Kniga takže sodržaje ilustracije (obrazky) od Antoina de Saint-Exupéry.
Kniga Maly princ byla přeložena do vyše od 460 (četyristošestdeseti) jezykov, i bylo dělano mnogo filmov, dvě opery i jedin animovany serijal. Kniga jest mnogo dobry učebnik ljudam interesujučim se do studija francuzskogo jezyka.
Medžuslovjansko prěloženje dělal Jan van Steenbergen v tečenju lět 2016-2017. Jest to najdolžejši medžuslovjansky tekst, ktory dokladaje bogatost, univerzalnost i živost medžuslovjanskogo jezyka ravno dobro služečego v naukě, tehnikě i takože v kulturě. Kratky ulomok iz tutogo prěloženja odlično recituje Alla Sokolova iz Moskovskogo državnogo univerziteta imene Lomonosova.

Medžuslovjanska verzija knigy Maly princ na stranicah Jana van Steenbergena ...//steen.free.fr/interslavic/maly_princ.html.
Medžuslovjanska verzija knigy Maly princ v PDF fajlu na latinici - ...s://interslavic.news/doc/maly_princ_lat.pdf Medžuslovjanska verzija knigy Maly princ v PDF fajlu na kirilici - ...s://interslavic.news/doc/maly_princ_kir.pdf Antoine de Saint-Exupéry na Wikipediji - ...ikipedia.org/wiki/Antoine_de_Saint-Exupéry.
Jan van Steenbergen na Wikipediji - ...//en.wikipedia.org/wiki/Jan_van_Steenbergen.
Alla Sokolova na serveru Academia.edu i jejin članok o MS jezyku - https://moscowstate.academia.edu/ASokolova.

Maly princ i lisica - ilustracija iz knigy

kratky ulomok iz knigy Maly princ v medžuslovjanskom jezyku - recituje Alla Sokolova

QR-kod članka