žrla:

Historia IPA: http://kompendiumpiwa.pl/india-pale-ale/

Pozdråv ko vsim, prijatelji! Kako jesm govoril vȯ vtorom Improvizovanom Međuslovjanskom Govoreńju, bųdų ukazyvati vam kako dělajų domašno pivo. Bųde to video, v ktorom hćų ukazati pòlny proces vareńja piva. Ne hčų daby to byl veliky material, ale kȯgda jeste interesovani detaljami, ja bųdų dělati tutoj, v pravom dolu ekrana, někake obrazky s vyše specjalističnymi informacijami - možete pauzovati i ględati. Ale ostråžno, zatože tam mogųt byti čęsto tęžke slovesa i može byti, že ja bųdų koristati anglijske slovesa daby něčto izjasnjati (to się okaże, trzeba zobaczyć czy są takie słowa i potem ewentualnie zmienić ten tekst). Bųdų pokušati dělati ove detaljove obrazky najvyše råzumlivo kako bųde možlivo! Čto bųdų dnes variti? Ne bųde to slovjansko pivo. To bųde IPA s hmeljami iz Republiky Južnoj Afriky. IPA to ne jest tutoj International Phonetic Alphabet, ale to jest “India Pale Ale” pivo, ktore priblizno jest simbolom pivnoj revoluciji. Bukvalny prěklad jego nazvy to “Indyjsko Jasno Pivo Vŕhnoj (ili Gornoj) Fermentaciji szczegóły w detalach ). Historično tęžko jest rěkti kto najprvo načęl variti tuto pivo. Vědomo jest, že velikų kolikosť hmelja dokladalo sę do piva, daby bylo ono dobro konservovano, znači, daby bakterije ne mogly tutogo piva kaziti, daby ono ne stavalo sę kyslo i tako dalje. Tako pivo moglo byti daleko importovano, napriměr do afrikanskyh ili azijatskyh koloniji i odtųd ima svoje imę. Pivo jest dolžno byti silno aromatično, iměti mnogo hmeljovoj vonji. Vonj zŕna, vonj slådov jest dolžna byti čujema jedino slegka. Vkųs bųde teoretično slådky, ale množstvo hmelja bųde tvoriti gorkosť, ktora bųde protivnosťjų ovoj slådkosťi - vsečto jest dolžno byti dobro balansovano. Kako jeste uviděli, už jesm napisal recept, ktory bųdų dnes dělati. Ingredienty, kake bųdų koristati to: slåd piznensky kako osnova piva slåd biskvitovy (na anglijskom: biscuit) - kako dodatny vkųs slåd pšeničny - kako dodatòk za dobrų pěnų tri rody južno-afrikanskogo hmelja (kake možete uględiti na ekranu) bųdų tòž dodavati drožđe, ktore imajųt nevtralny aromat Vsake slådy, ktore koristajų sųt už råzdrobjene, zato ja ne mušų už togo činiti i mogų směsta načinati vareńje. Zatȯm, prizivajų do mojej kuhnji!

V pŕvom etapu dělańja piva jest potrěbo držati slåd v vodě o naležitoj temperaturě. V mojem receptu bųde to okolo 68 (šesťdeset osm) stųpnji Celsijuša (dlaczego tak? szczegóły w detalach). V ovoj temperaturě slådove enzimy bųdųt zaměnjati zŕneny skrob v råzlične cukry, ktore potom, prosto govoręći, drožđe bųdųt jedati i zaměnjati v alkohol. Ov proces trajaje obyčajno někakų jednų časinų. Daby veryfikovati, či skrob jest li dalje v zŕnah, ja berų malų lȯžicų ovoj měšaniny i několiko kapej råztvora joda. Tutoj råztvor stavaje sę purpurny, kȯgda skrob v zŕnah ješče jestvuje. Tut imate situacijų, kȯgda skrob jest v zŕnah... A tut už cěly skrob směnil sę v råzlične cukry. Tutčas možno voznesti temperaturų do sedmdesęťi osmi stųpnji Celsijuša daby dezaktivovati enzymy, sųt už one ne potrěbne. Tako čekajemo 10 minut Kȯgda skrob jest už pòlno prěinačeny v cukry, tȯgda jest možno načęti vtory etap.

Vtory etap jest filtracija i dobyťje cukrovyh ostatkov iz slåda. Ja prolivajų zatòm tutų “jęčmennų polivkų” iz gŕnca do vědra, kako ima u dolu prosty filtr, ktory bųde pomagati odděliti zŕnove odpadky od čistoj pivnoj osnovy. Počętkovo pŕvo několiko litrov prolivajų nazad do vědra, a potom nastavjajų prěmnogo malų pivnų strujų, “pivotok”. I tutčas jest potrěbno skoristati teplų vodų (80 st C), ktorų bųdemo medlo liti do vědra. Ja koristajų malų taliŕkų, ktorų kladų na vŕh zŕn. Dopŕva na njų lijų vodų. Jest to bezprěryvny proces umyvańja cukrovyh ostatkov iz slåda, zatòm važno jest, daby zŕna neprěstanno byly pod vodojų. Zŕnova struktura jest pričinojų togo, že nakonec toj načętok piva jest zaisto čisty. Poněkògda jest cěnno prověriti gųstotų ovoj struje. Kako to funkcijonuje? To, čto tut imamo to jest råztvor råzličnyh cukrov vò vodě. Jest možno měriti gųstotų takogo råztvora takym instrumentom. Jest to “cukrometr”. Pozrijte - tutčas imamo vò vodě (X) stųpnjev Ballinga (kråtko: BLG), čili, kråtko govoręći: v tom råztvoru jest X procentov cukra. To měreńje dělal jesm několiko razy. Kògda kolikosť cukra spadla do 2 (dvoh) stųpni Ballinga to prěstal jesm liti strujų. Taka mala kolikosť už ne jest nam potrěbna. Po råzměšańju gųstota pivnogo råztvora to okolo 12 (dvanadset) Ballingov. Tutčas bųdų toj råztvor variti, zatòm voda bųde pariti i gųstota bųde slegka vęćša. Gotowanie i chmielenie

Čas vareńja to obyčajno jedna časina, ale dnes trěbujų variti pivo slegka vęće, jerbo togo izmagaje slåd, ktory jesm koristal. Zatòm bųdų variti pivo 75 (sedmdeset pęt) minut. Važna věć - samo vareńje, čili čas, kako pivo imaje sto stųpni Celsijuša trajaje sedmdeset pęt minut - podgrěvańje piva to ješče dodatna časina. Pŕvo 15 (pętnadset) minut varjų bez dodanogo hmelja - po tom času ja dodajų <x> gramov hmelja <nazva>. Prva porcija nada pivu goŕkosť. Nasljednja porcija jest dodana, kako minuje 45 (četyridesęt pęt) minut. Jest to <x> gramov hmelja <nazva>. On bųde dodati hmeljovy vkųs do piva. Tutčas čekajemo ješče 15 (pętnadset) minut, izključajemo ogòńj i dodajemo <x> gramov hmelja <nazva>. Toj hmelj bųde dodati pivu vonj. Tutčas, kako pivo jest uvarjeno jest potrěbno bystro je prohlåditi. Ja dělajų to tako, že råzlivajų pivo do trěh gŕncov i davajų je do vanny. V tom etapu dělajų ješče něčto, čto imenuje sę hop stand. Hop stand jest dodańje hmelja v temperaturų okolo 80 (osmdeset) stųpni. On bųde dodati ješče vęće aromata. To jest tipično za pivo v stilu IPA - i ne jest to poslědny hmelj, ktory dodajemo - bųde ješče jedna porcija, hoť už ne dnes. Ja “kųpajų” gŕnce hlådnojų vodojų. Vęće meńje v tom času prigotvujų tòž drožđe - ja měšajų je prosto sò slegka teplojų vodojų, ktora prěđe byla varjena i potom stuđena. Blågodare tomu voda jest tutčas steriĺna, a drožđe mogųt råzmnožiti sę i prigotovati do fermentaciji piva. Bystrějši čas hlåđeńja piva jest priblizno vsegda lěpje. Ja moje pivo hlådil jesm okolo jednų i pol časiny. Po tom času mogų liti pivo do jednogo vědra s filtrom i poslědny raz dnes proliti do drugogo. Tutčas ja lijų velikojų strujejų, daby pivo imělo v sobě velje vòzduha, velje kysloroda, čili oksigena. Drožđe trěbujųt kyslorod daby sę råzmnažati. Od togo časa už vsečto trěbuje byti sterilno, zatòm ja čęsto koristajų goręćų vodų daby umyvati vse věći, ktore bųdųt iměti kontakt s pivom. Filtr cědi vęćinstvo hmelja, ktory jest sę ostal v pivu.

I to jest vsečto vò pŕvom dnju varěńja - ješče jedino jest potrěbno dodati drožđe i gotovo. Pivo načinaje fermentovati i dělati prěmnogo pěny. Ta fermentacija, ktorų možemo imenovati buŕlivojų fermentacijejų, bųde trajati okolo jedin tydenj. V toj čas uråveńj cukra sę bystro smenšaje a drožđe trovęt alkohol i specifičnų pivnų vonj.

8 (osm) dnjev od načęťja fermentaciji bųdų proliti pivo do drugogo vědra. Tutčas uravenj cukra v mlådom pivu jest už jedino 4 (četyri) stųpnje Ballinga. Znači to, že jest tam už okolo 5 (pęt) procent alkohola. Pivo načinaje tihų fermentacijų - načinaje sę klarovati. A my trěbujemo čekati na žalosť ješče jedin tydeńj.

Ale... v čas tihoj fermentaciji jest ješče potrěbno dodati poslědnų porcijų hmelja, zatože to jest IPA - itak trěbuje velje hmeljnogo aromata. To jest tri dnji prěd planovanym råzlivańjem do fljašek.

Po tom času ostalo už jedino råzliti pivo do fljašek. Pŕvo jednako jest potrěbno dodati do piva ješče několiko gramov cukra. Začto? Zato, daby drožđe iměly ješče něčto, čto mogųt sjesti. One bųdųt jesti toj cukr i směnjati jego snova v alkohol, ale tòž v gaz, ktory potom bųde råzpustiti sę v pivu i davati to bųblinovo čuťje. Na jedin litr dostavaje dodati jedino několiko gramov - u mene 6.5 (šesť i pol) grama (napisać, że 3.25 na butelkę). Ja měšajų cukr s vodojų, potom vlivajų jego do piva, a naslědno měšajų pivo slegka, daby neprěryvno bylo klarovno, ale daby cukr mogl sę råzpustiti. Potom už mogų ostråžno liti pivo do fljašek. Tutoj trěbujete byti ostråžni, zatože ako li vy dodate zamnogo cukra do piva, do fljašek, tògda fljašky bųdųt eksplodovati i to jest prěmnogo nebezpečno, trěba tutoj prěmnogo čuvati. Da, to už jest vsečto. Hoť tutčas jest potrěbno na žalosť dalje čekati jedin tydeńj, daby pivo moglo sę nasytiti gazom. Može to trajati daže dva tydnje. Nu, a tutčas blågodarjų za ględańje. Ja nadějajų sę, že ovo video vam sę navidi. Pišite v komentarah čto dumajete, či imajete li někake pytańja ili može tòž dělajete svoje domašno pivo ili někaky kvas? Už nedòlgo ukažų vam vtoro video, v ktorym bųdų pokazati rezultat mojej råboty. Bųde to... međuslovjanska degustacija!

Ah, i pamętajte - alkohol jest jedino za pòlnolětnih ljudi!

Vidimo sę, česť!