Htěla Byh Ja

Skaži mně děvčino mila Začto jesi v lěs hodila Začto v lěsu jesi stala Začto v brězy pogledala

Htěla byh ja hvost iměti Togda ja byh v lěsu stala I prěkrasno izgledala Kak lisica i jej děti

Skaži mně děvčino mila Jesi li ty v vodě byla? Začto jesi tam plavala I v toj vodě se kupala

Lusky htěla byh iměti Kako ryba byh plavala Cěla ja byh razblěskala Jasno, kako Solnce světi

Skaži mně děvčino mila Začto v nebo jesi zrila Začto jesi tam gledala Začto jesi vozdyhala

Htěla byh iměti krila Togda v nebo byh letěla Kako ptica ja byh htěla Togda ja byh polno žila

Skaži mně děvčino mila Jesi mene oddalila Začto tuto se javilo Ne je nam se dobro žilo?

Jesm ja tutym umorjena Htěla ja byh svět poznati V putovanje izběgati Ne hču byti tvoja žena

Hej, Hej, Ješče Raz

Hej hej, ješče raz! Meč tvoj sěka cěly čas Nehaj v boju, oh, ljubima Vozrastaje tvoja sila!

Boj prihodi, uže čas Rog vojenny zove nas Pancyr my oblěkajemo I idemo tam, idemo

Hej hej, ješče raz…

Krila naše, polne per Vodž ukazyvaje směr Naše meče hvatajemo I idemo tam, idemo

Hej hej, ješče raz…

A na koncu stoji vrag Vokrug njego temny mrak My odvažno vojujemo I idemo tam, idemo

Hej hej ješče raz…

Poslě bitvy sivy dym My živemo, ja i ty Uže ukončeny boj Jesi moja, ja jesm tvoj!

Hej hej ješče raz Prišel nam spokojny čas Poslě boja, moja mila Vozrastaje naša sila!

Slava Jim

Slava tym, ktoryh uže ne vidi svět Nehaj o njih pamet, ne umiraje pomimo lět Slava tym, ktori ne sut s nami tut Oni živut, oni v lěpšem světu sut

Vysoko tam, slava jim Vysoko tam, slava jim

Slava tym, ktoryh ne vidi svět už Svety ogonj provodi v pohodu jih jasnyh duš Slava tym, ktorym skončil se zemsky čas My o vas tut myslimo, a vy pomnite tam o nas

Vysoko tam, slava jim Vysoko tam, slava jim

Vysoko tam jest jih nebesky cělj Krasne orlje krila gordo razvivajut se Vysoko tam, čekaje zeleny gaj Daleko ponad nebom v oblakah jest věčny raj