Album „Prędųći” – teksty pěsnej

Hej ty Zemjo!

Hej, vy, gory. Hej, vy, lěsy! Slyšite moj glas! Ja tu pěsnju pěvam da by pozdraviti vas! Pozdraviti vas! Jesm vam mnogo blagodarny Za vsaky vaš dar Za to, že mene krmite za zelenji čar, za zelenji čar

Hej, vy, rěky. Hej, jezera! Koliko už lět Davajete ljudam život Ktory plyve v svět, ktory plyve v svět? Vy jeste iztokom žitja, Blagodarju vam Za to, že vy davajete Vašu vodu nam, vašu vodu nam.

Hej, vy travy! Hej, vy drěva! Mojej pěsnje ton Jest velikym proslavěnjem Zvuči kako zvon, zvuči kako zvon! Vaše dary, zemske plody Skarbom sut za nas Ako li by vas ne bylo Skupy tut naš čas, skupy tut naš čas!

Vodo, ognju i vozduše Blagodarju vam Umrl byh tut na tom světu kako byh byl sam, kako byh byl sam! Hej, ty Zemjo, naša Zemjo! Ja jesm kako těnj Hču prěžiti tut s toboju ješče jedin denj, ješče jedin denj!

V noč

budu idti v noč v tu mračnu noč jedino tut možno pozriti v oči zvězd budu idti v lěs toj temny lěs a ptaki budut mně pěvati so vsakyh gnězd

Lalala…

ja hču najditi te posrěd tyh velikyh drěv ja slyšu tut vsaky na drěvah list one pozdravjajut me a vokrug velika noč nikto ne zove me jedino lěsny svist

Lalala…

ja hču najditi te posrěd tyh velikyh drěv či slyšiš li moj tihy, oskudny glas ne mogu najditi te posrěd tyh velikyh drěv lěs mně zabral te ostal se jedino vlas

Volča Burja (Pěsnja Priscilli) – prěklad pěsnje „Wolven Storm”

Zabyli moje srasty tvojih dlanji A zvězdy našej družnoj historiji Otvori rany i je ozdravi I pozvoli zvězdom naš život plesti

Iz mojih snov utrom izběgaješ skoro, ty jagoda kysla, ty sladky boz vlasy snju, v burlivom črnom koloru Purpurove oči mokre od solz

Ko volčim slědom budu idti V velikoj burji najdu tvoje srdce. Cělo kamenno, v njim žalj i smutok Budu je razgrěti mojej duše žarom

Ne věm, či jesi li mojim prěznačenjem ili naša ljubov jest jedino slučajna Jesm tiho skazal moje želanje Začto togda ty jesi mene zaljubila