Conference on InterSlavic Language 2017, http://cisla.slavic-union.org/ jest prvo medžunarodno zasědanje ljudij, ktori uže mnogo lět sorabotajut na In- ternetu. Smyslom konferencije jest strětiti jedin drugogo, bezposrědny obměn pogledov, vzajemna inspiracija, i glubočejša sorabota do dalečejšego razvitja na- šego občego interesa, ktorymi sut slověnski skonstruovani zonalni jezyky, vključajuč možnost jih širenja do praxi.

Cělju CISLa 2017 jest otvoriti prostor za besedu na izraženja inovativnih mněn- jej do mežunarodnoj komunikacije slověnskih narodov v uslovjah modernogo globalizirovanogo světa. Budemo besedovati slědujuče prědměty: Jezyčni pro- blemy v gradžanskoj participaciji, e-demokraciju, prěvod znalostij, komunikačni udobnomožnosti do specifičnih oblastij ekonomije različnih držav, kako jest tu- ristika i digitalna ekonomija, i možnosti podpora koristjenja skonstruovanih je- zykov za pobudjenje razvitija europskoj identičnosti i solidarity. CISLa 2017 jest častju četvrtogo izdanja medžunarodnogo festivala, jegože cěl jest vazpominati prihod svetih Cyrila i Methodija na Velikomoravsku državu lěta 863. Lěto 2017 jest posvetjeno poljskoj i hrvatskoj kulturam. Lěto 2017 jest takože godinoju lingvistov, medžu ktorimi UNESCO proslavuje dvě značne jubi- leje: 100 lět ot smrti Ludwika Zamenhofa - poljskogo tvorca Esperanta, i 400 lět ot smrti hrvatskogo naučnika, techničskogo izmyslitela i lingvista Fausta Vran- čića, ktory jest takože autorom prvogo slovnika hrvatskogo jezyka i tvorcom pravopisanja, ktoro se dodnes koristi v madjarskom jezyku. Radi tomu jest kon- ferencija CISLa 2017 posvetjena tutěm dvěm osobnostim. Faust Vrančić (1551 - 1617) Ludwik Zamenhof (1859 - 1917) Zonalni konstruovani jezyky sut jezyky dělani do umožlivenja komunikacije medžu govorjučimi iz istoj grupy sebě blizkih narodnih jezykov. Oni sut podgrupoju medžunarodnih pomočnih jezykov, ktori ne sut prioritno prěznačeni služiti kako jezyky do vsego světa, ale 22 Slovanská unie, ročník 2 (2017), č. 1 samo do někakoj lingvistično ili geografično limitovanoj oblasti. Najbolje mno- žinstvo v tutoj kategoriji sut pomočni medžuslověnski jezyky. Najstarějši zna- jemy priměr jest Ruski jezik ot hrvatskogo duhovnika Juraja Križanića (1618 - 1683), ale prvy literarny slověnsky jezyk dělany ot svetih Cyrila i Methodija v 9- om stolětji takože iměje črty zonalnogo konstruovanogo jezyka. V sumě v te- čeniji ot 17-ogo do 21-ogo stolětja bylo izrabotano vyše ot 50 takih pomočnih slověnskih jezykov. Zonalni konstruovani jezyky voobče imějut veliku prědnost v tom, že jim ljudi iz danoj grupy razumějut bez velikogo učenja. Dokazom togo tvrdjenja, medžu mnogo drugimi, jest text na tutih webovih stranicah, ktore sut pisani v medžuslověnskom zonalnom jezyku. Dnešnogo dne nad medžuslověnskim jezykom rabotajut različni projekty, najmě Slovjanski i Novoslověnski. Oni poděljut s soboju naturalističnu gramatiku, jedin slovnik, obču společnost govornikov, razne města na Internetu i jedin obči cěl: opisati jezyk na samoj srědině živih slověnskih jezykov, ktoroj vsi Slověni razu- mějut bez nikakogo prědhodnogo učenja i možut koristiti poslě minimalnogo učenja. Temata konferencije CISLa 2017 • Medžunarodna komunikacija vnutri zony slověnskih jezykov, • Společni slověnski legendy i evolucija modernih slověnskih narodov. • Staroslověnski azbuki i pisemnost v modernom biznesu, turizmu, i volno- vremenih aktivnostih. • Izkušenost slověnskih medžunarodnih nevladnih organizacijej. • Naslědstvo L. Zamenhofa i aktualna situacija jezyka Esperanto. • Naslědstvo F. Vrančića i aktualna situacija slověnskih narodnih jezykov. • Slověnska kulturna vzajemnost - teorija i praktika. • Razvivanje europskoj identičnosti i solidarity. Informacije • projektu Medžuslovjanski/Slovjanski možete čitati tu: http://steen.free.fr/interslavic/ • Slovnik: http://steen.free.fr/interslavic/dynamic_dictionary.html • projektu Medžuslověnski/Novoslověnski možete čitati tu: http://www.neoslavonic.org • Kniga v PDF na Google Books: http://books.google.com/books?id=FqIkq9-TfE4C • Beseda na Facebooku: http://www.facebook.com/groups/interslavic/