VELIKA REFORMA MEDŽUSLOVJANSKOJ BESĚDY

melaceve tezy

Toj dokument jest sbirkojų mojih tez, kake po mojemu mněnju jest potrěbno obgovoriti vo karunovoj občině. To jest prvy čas kako pišų něčto tako, ale mysljų, že jest potrěbno v toj moment vzęti cělų našų silų i sdělati něčto, čto učini naš Dom lěpšim městom. Hčų ukazati vsim Karunam moje ględišče na to kako MS-Besěda trěbuje fungovati. Hčų takože na počętok skazati, že naše tutčasne postanověnja sųt mnogo sporne, diskusijne, ale vse, čto dělajemo tutčas jest za dobro MS Besědy. Vsěh vas mnogo ljubjų i čekajų s netrplivostjų na někakų prdačnų besědų na glåsovom kanalu.

FILOZOFIJA MEDŽUSLOVJANSKOJ BESĚDY

Čim jest Medžuslovjanska Besěda tutdenj? Besěda jest centrom medžuslovjanskogo interneta. Či hčemo, či ne hčemo - Besěda bųde sę razvivati a to, čto prvo bylo jedino serverom za fanatov medžuslovjanskogo języka tutdenj už funguje vyše kako někaky gråd. Či hčemo, či ne hčemo - Ljud Besědy bųde råsti, a domašny klimat bųde ogrožen utračenjem. Potrěbno pamętati jednų važnų věč - Besěda jest “blågoslavjena” Vojtojų Merunkojų i jest OFICIJALNYM DISKORD-SERVEREM MEDŽUSLOVJANSKOGO JĘZYKA. To dostojenstvo znači, že my, kako aktivni členi jesmo ODGOVORNI za cělų skupinų - tako za novakov, kako za starakov i za nas, jedin za drugogo - za Karunov. Možete iměti vsako ględišče na medžuslovjansky język ale togo ne bųdete mogli izměniti - my smo odgovorni za vsěh. To my jesmo priměrom togo kako trěbuje izględati Medžuslovjanin - ne govorjų tutaj o tom kako jest potrěbno govoriti na MS, kaky variant jest najvyše razumliv i tako dalje - govorjų tutaj o tom, že filozofija medžuslovjanskogo języka jest zajedno FILOZOFIJEJŲ MEDŽUSLOVJANSKOJ BESĚDY. Nikto iz nas ne može togo izměniti zatože MS-Besěda i jej oficijalny język sųt jedinstvo. Akoli filozofija MS języka govori, že MS trěbuje byti najvyše råzumlivy kako možno - tako nam potrěbno jest tako dělati. Akoli filozofija MS govori, že język može iměti råzlične varianty i vsaky jest råvnaky (v smyslu, že potrěbno znati vsaky variant, daby lěpje možno bylo sę dogovoriti s někakym drugym Slovjaninom), tako my trěbujemo idti tojų stěžkų. Filozofija MS jest naše najvysše pravilo!

KARUNOVA ROLJA

Do tutčas ne råzuměl jesm do kraja kako fungujųt Karuni. Po besědě s Antonom som sråzuměl, že to ne Anton-vodž jest jediny odgovornik MS-Besědy. To my, vsi aktivni členi. Akoli něčto ne funguje dobro - to jest naša, vsěh vina. Tvoritelj servera, kaky ima už vyše něž 1000 členov to jest dalje jedino člověk i ne smože pomogti vsěm ljudam, ne smože odgovoriti na vse pytanja, ne može sam hråniti sę prěd obvinjenjem. To my - Karuni - trěbujemo jemu pomogti. Ja čujų tų odgovornost i trěbujų skazati, že odojděnje iz Besědy jest za mene dost boljno. Ja hčų se vratiti, ale ne jedino. Ja hčų se vratiti nesųči ljudam světlo. Hčų nesti tuto světlo zajedno s vami - Karunami.

ODGOVORNOST MEDŽUSLOVJANSKOJ BESĚDY

Potrěbno pamętati, že my smo odgovorni za cěly Ljud Besědy. Kaka to jest odgovornost? Taka, kaka jest shodna so filozofijejų MS. Vsaky člen MS Besědy trěbuje čuti sę kako vo domu, zatože ljudi tam govoręt na medžuslovjanskom języku, kaky, kako znajemo, jest råzumlivy priblizno vsěm Slovjanam bez učenja. To znači, že napr. ne možemo govoriti novakam vo čatu glåsovogo kanala, že MS je oficijalny język glåsovoj besědy. Začto? Zatože MS jest iztvorjeny Slovjanam, kaki teoretično ne znajųt MS (Napisati to do pouk). Naše zadanje, naš cělj, kako instanciji MS-a vo internetu jest daby vsaky “novak” iměl možnost dobro NAUČITI SĘ zajedno MS, kako i (čto jest råvnako važno) jegovoj filozofiji, a vsaky “starak” iměl prostor do besědovanja o języku i daže do spiranja sę v jego kvestijah (råzprje isto ne sųt, i ne trěbujųt byti zabronjene, ale kulturne rasprje).

SLUČAJ TELEGRAMA I OGROŽENJE NAŠEGO DOMA

Vsi pamętamo slučaj Telegramovoj skupiny, kaka je odošla od Filozofije MS. Trvožų sę, že na žalost my takože pomalo oddaljajemo sę od njej. Ja znam najvyše važno pravilo - MS trěbuje byti RÅZUMLIVY, ale my vsegda zabyvajemo, že on jest RÅZUMLIVY daže akoli bųdemo koristati “lučše” vměsto “lěpje” i tako dalje. To jest takože dobro za Karunov i vsih razumlivo govoręčih, kaki znajųt MS i mogųt sę ješče vyše od togo učiti sinonimov. Kako vsegda govorjų: ja ne jesm lingvist, i ne imam takoj mųdroj glåvy daby mogti vo vsakomožny sposob spirati sę vo kvestijah języka. Pamętajmo že NAJVYŠE RÅZUMLIVY STANDARD (znajemy takože kako Staračsko Narěčje) ide ko tomu daby byti NAJVYŠE RÅZUMLIVYM, ale to ne jest JEDINY standard kaky jest dost dobro råzumlivy. Staračsko Narěčje to jest projekt, kaky jest potrěbno råzvivati, ale vo toj moment vokrųg njego sųt velike kontroversije, zato nam jest potrěbno dobro obdumati či jest li dobro, daby govoriti ljudam že jest “jedin najvyše råzumlivy” standard. Moje ględišče jest na bazě tolerantnosti: ne možemo zabyvati, že MS jest sistemom, kaky imaje mnogo råzličnyh variantov, i dotųd, dokųd někto govori råzumlivo vsim my vo nikakom slučaju ne možemo izrěkti “brate, tako ne možno govoriti, zatože to råzumějųt jedino sevěrni”. Potrěbna jest vysša tolerantnost za druge varianty, kake sųt koristane v Besědě (hot to jest srědno vyše zlo za razuměnje). Vyše detaljev o tom bųde dalje, vo konkretnyh prěporųčenyh reformah.

BESĚDA NE JEDINO ZA UČENJE - CENTR MEDŽUSLOVJANSKOGO INTERNETA

Jest znajemo to, že MS pritęgaje językoljubcev. Daže ja, mimo, že ne jesm lingvist imam už malo interesovanja v toj temě. Ale MS jest język vsěh ljudi (i botov :) ) - ne jedino lingvistov. Ja jesm tutaj dobry priměr - prišel jesm na Besědų ne zato, že “ljubjų slovjanske języky” ale prosto pomyslil jesm, že to zvųči “fajno” i že možno sę togo naučiti. Takyh ljudi kako ja jest vyše i bųde ješče vyše-vyše. My ne možemo mysliti o našem Domu kako o městu v kakom ljudi prihodžęt jedino učiti sę - očevidno - množstvo slučajev sųt slovjanoljubci i tako dalje, ale to ne znači, že potrěbno jedino učiti ljudi kako govoriti. My, Karuni, jesmo prikladom, jesmo priměrom togo kak živęt Medžuslovjani. Język jest potrěbno koristati vo vsakyh slučajah žitja, a ne jedino vo čas “učenja novakov”. Ja už znajų, že mnogo iz vas mysli tako, že ne jest potrěbno govoriti jedino o lingvistikě i o “problemah MS-a” ale potrěbno jest dělati věči, kake sųt na tom języku, a ne o njim. My jesmo centr MS Kraj Interneta. I to jest prěkrasno. Hot takože izmagaje odgovornosti za skupinų.

TO ČTO LJUDI VIDĘT

Potrěbno jest pamętati, že jedno jest čto my myslimo, a vtoro - čto vidęt ljudi. My možemo iměti svoje ględišče ale poněkogda jest potrěbno je promolčati i ne govoriti vsečto tako jasno. Očevidno prozračnost Karunov jest prěmnogo važna, ale takože važno jest jih dobro imę. Karuni ne mogųt byti uražani i takože ne mogųt uražati. Karuni sųt jedno - i to trěbuje viděti Ljud Besědy. Nehaj Ljud Besědy čuje, že nad njim jest velika Opeka i Bezpečnost. My smo za ljudi, my smo jih hrånitelji i jih sųdniki - bezpečny ljud to ščęstlivy ljud. Ja byh htěl daby ljudi čuli, že mogųt vsegda do nas napisati i ne bojati sę, že my jesmo někaki bogi ili něčto.

GORĘČE REFORMY

Prijateljstvo Novakam

MS Besěda v toj moment jest neprijateljska novakam. Ljudi, kaki prihodęt na server mogųt čuti sę obkaljani informacijami, někake “pouky”, “razliki styljev” i podobne. Potrěbno jest to veliko reformovati. Ja tutčas ne imam dostųpa do Doma, ale to daže jest lěpje, zatože bųdų mogti izmysliti vsečto od počętka. To jest Velika Reforma, zato mysljų, že potrěbno zapravdų obmysliti cělų osnovų servera.

a. Oddaliti rolje: NOVAKI, SRĚDNJAKI, PRĚDSTARAKI, STARAKI. Tute rolje ne imajųt voobče smysla a jedino kategorizujųt ljudi. Vsegda smo govorili, že MS občina je vyše kako rodina. Ne htěli smo děliti Ljuda Besědy po krajah jih rodženja, ne htěli smo děliti na Rusov, Poljakov, Srbov i tako dalje - zato ne možemo děliti jih po tom kako oni znajųt MS. My vsegda smo govorili, že rolje ne sųt veliko važne, a jednako jest tako, že my dělajemo v glåvě intuitivnų kategorizacijų ljudij po tom. A daže akoli togo ne dělajemo - tako Ljud to dělaje. Srědnjaki hčųt byti prědstaraki, prědstaraki hčųt byti staraki, někaki ljudi poněkogda hčųt ne byti prědstaraki. To ne jest zdråvo. V město togo, možno sdělati napr. roljų UČĘČI i MEDŽUSLOVJANI, kde UČĘČI=NOVAK, kaky voobče ne znaje MS, a MEDŽUSLOVJANIN= vyše menje SRĚDNJAK, kaky už dost dobro znaje MS. Rolja KARUNI, SŲDNIKI, POMOČNIKI može sę ostati - tako bųdemo jasno viděli kto jest iz administraciji, kto jest podpornik, a kto jest “regularny” člen servera (učęči ili už dost dobro znajųči MS) (jesm sųglasen). Nazvy “učęči” i “medžuslovjani” sųt jedino propozicije i možno izmysliti něčto lěpše. “ (ili “slovjani” i “medžuslovjani”) lěpje učeči, zatože budemo iměti daže neslovjanov i označati jih kako slovjanov ne jest ni logično ni intuicijno kaku rolju v serveru točno imajut i kaka jest jih situacija s ms (nu, ili “němci” zatože ne govoręt i “slověni”, zatože govoręt “slověni” ne bųdųt vo značenju “slovjani”, a vo značenju ljdui, kaki mogųt govoriti) nu ne, to može byti nepravilno pojęto, ne potrěbno nikakyh “němcev” “

b. Minimalizovati kolikost kanalov tako, daby vse bylo klarovno i jasno. Ne možno oddaliti mnogo kanalov zatože server jest už veliky i potrěbno iměti prostor za koristnikov, ale takože ne možno iměti “haosa”. Moje prěporųčenja za vse kanaly kake potrěbno iměti:

Kategorija Kanal Vidimost Komentar za-server pravila vsi pravila servera

правила (pravdivo govoręće ne vidžų velikogo smysla, mysljų, že ili iměti jedino za latinicų, ili dublovati jų na kirilicų, drugy kanal ne jest potrěbny, mysljų - ustalili jesmo, že bųde latinica i kirilica zajedno v jednom kanalu, prinajmenje tutčas) vsi pravila servera kirilicejų

novosti vsi novosti servera (pisanje dostųpno za karunov)

věće karuni karunsko lajno

karunske-myslji (:DA: :VUSY:) karuni myslji o råzvoju servera, ale jedino za karunov - taky kanal s možnostjų govorěnja o izměnah

za-podpornikov karuni i patroni nu za podpornikov, komunikacija Antona do podpornikov

za-boty vsi za boty, logi do botov Lukaša mogųt byti v drugyh kanalah očevidno i ne trěbujųt byti vidime vsim a jedino napr. karunam

mysli-o-råzvoju-servera vsi demokratične propozicije råzvoja servera. Potrěbno napisati regulamin togo kanala daby ne bylo spama učenje-medžuslovjanskogo pouky vsi osnovne pouky za MS

поукы vsi osnovne pouky za MS (kirilica)

prěporųčenja vsi izključajųće “učęčih” prěporųčenja staračskogo narěčja

прєпорученја vsi izključajųće “učęčih” prěporųčenja starčskogo narěčja (kirilica)

pytanja-o-medžuslovjanskom vsi pytanja o MS tako daby učęči/novaki iměli prostor

fraznik vsi izključajųće “učęčih” toj kanal bųde iměti vse najvyše råzumlive sinonimy a takože råzlične koristne frazy medžuslovjanske medija kultura-i-religija vsi posylajemo tutaj MS kontent kaky ne jest pěsnjami i besědami (blogi, teksty, i tako dalje)

poezija-i-anekdoty vsi tako kako jest

memy vsi memedžuslovjansky

videa vsi posylajemo tut råzlične MS besědy i druge videa

pěsnje vsi posylajemo tut MS pěsnje

igranje vsi ob igrah

za-igranje-zajedno vsi ob igranju zajedno slovjanske medija kultura-i-religija vsi dělimo sę tut svojų slovjanskų kulturų (može byti tako kako davněje kanal slovjanščina, ne věm či bųde li to fungovati). Posylajemo teksty, blogi itd na råzlične slovjanske języki

videa vsi posylajemo tut besědy i druge videa kake ne sųt na MS (jesmo Medžuslovjani, vse bųdemo råzuměti, dělimo sę svojejų kulturojų)

pěsnje vsi slovjanske pěsnje ne na MS

memy vsi ne-MS memy (ale slovjanske!) obče medžuslovjansky vsi generalny MS kanal

o-medžuslovjanskom vsi izključajųće učęčih davněje - języčne besědy

latinsky-slovjansky vsi generalny latinsky

кириличскы-словјанскы vsi generalny kiriličsky

ⰳⰾⰰⰳⱁⰾⰻⱍⱄⰽⱐⰹ-ⱄⰾⱁⰲⱑⱀⱄⰽⱐⰹ vsi izključajųće učęčih generalny glagoličsky (ne věm či som dobro napisal xd)

any-language vsi govorimo in vsaky language råzvivanje medžuslovjanskyh projektov staračsko-narěčje vsi izključajųće “učęčih” govorimo tutaj na temų najvyše råzumlivogo standarda (do arhiva) medžuslovjansky-vysoky-stil vsi izključajųće “učęčih” o vysokom stilu (do arhiva) strědnoslovjansky (projekt Roberto) vsi izključajųće “učęčih” projekt Roberto, najvyše bogaty slovjansky vněprědmetne vněprědmety vsi spamovanje, off-topovanje, memy na anglijskom arhiv

jedino karuni (čitanje arhiva bude dostupno vsim izključajuče učečim, pisanje nikomu, izključajųće nas, očevidno) vse ne koristane kanaly

Može byti moje prěporųčenja sųt nekompletne i zato ja prizyvajų do diskusije o tom kako može izględati server. Potrěbno projdti vse kanaly i obdumati či sųt li one potrěbne.

c. Politika tvorěnja kanalov. Potrěbno pamętati, že kako dodamo kanal kaky ne bųde koristany to jest potrěbno jego oddaliti (očevidno prvo informovati Ljud kanalom “novosti” ili něčto). Podobno kako kanal ne jestvuje a vidimo, že jest potrěben. Togda jest potrěbno směsta dodati (ne potrěbno informovati Ljud). Kanaly ne mogųt byti dělajeme iz někakyh staryh kanalov akoli ne imaje to voobče nikakogo smysla. Tutčas jestvuje kanal razlika-styljev kaky jest prosto užasny, zato, že tamo najprvo sųt někake poslanja. Potrěbno držati porędok i ne iměti haosa. Arhiv jest za kanaly kake sųt zapravdų arhivalne, tam ne možemo pisati. Arhivizovanje jest potrěbno daby pozirati kako sę izměnjaje MS. Ale ne jest potrěbno vračati kanaly do koristanja iz arhiva, nu kromě situaciji, že to zapravdų jest potrěbno (napr. kanal je byl oddaljeny, ale jest dalje potrěbny). Kanaly bųdųt potrěbne i jest potrěbno pamętati, že to Ljud jest najvyše važny - akoli něčto jest potrěbno zatože Ljud tako mysli - jest jemu potrěbno to dati. Potom može byti, že prosto kanal bųde oddaljeny i bųde po problemu.

d. Demokracija v myslji-o-razvoju-servera. Toj kanal jest potrěbno sdělati mųdro, zatože tam jest mnogo spama tutdenj. Jest potrěbno takože izmysliti pravilo - glåsovanje s pomočjų :DA: i :NE:. Několikodesęt glåsov - togda my načinajemo besědovati vo zoně karunov i dělajemo to, čto Ljud hče (ili ne, akoli poznamo, že jest to mnogo nekoristno za občinų). Možno takože sdělati myslji-o-razvoju-servera zaključene za pisanje i dozvoliti pisati jedino karunam. Togda jest potrěbno izmysliti kako bųde funkcijonovati posylanje novyh mysljij do togo kanala.

sdělaju prikaz, ne bude možno v tom kanalu pisati ničto drugogo neželi prikaz ili někaka argumentacija k tomu prědloženju - limitovana, aby ne byl bordelj + takože to budemo potrěbovati monitorovati i napravdu za prěstupanje pravil byti vyše karajuči

e. Neslovjanski Novaki sųt mnogo rědky stvar, ale oni sųt. Jest potrěbno sdělati někaky maly prostor za neslovjanskyh novakov. Někogda byla propozicija daby prěložiti pravila na vse slovjanske języki. Ne věm či jest li to potrěbno, (ne jest) ale mysljų, že jest potrěbno sdělati najvyše potrěbne věči (pravila, može pouky) na anglijskom. Akoli trvožimo sę o to, že Slovjani bųdųt čitati anglijsky vměsto medžuslovjanskogo tako mysljų, že možemo sdělati napr. tako, že bųdemo napisati “pozdrav @novaknovak, na MS Besěda, prosimo tę pročitati pravila kanala (...). If you don’t speak any slavic language feel free to directly ask @NěkakyKarun. He’ll send you the most important things”. Ne věm kako drugo možno to sdělati, ale jest potrěbno, daby server byl takože prijateljsky za neslovjanskyh novakov. bonusna rola za neslověnov za jih motivaciju (??)

f. Vaše ideje:

Člověk kaky je došel do servera cělo ne vě kako jest potrěbno izbirati slova, a slovnik može počęti myliti novaka ješče vyše, zatože slovnik imaje veliku kolikost variantov. Propozicija:Izdělati gajd ob izboru slověs za novakov i dodati do pouk. Ravno takože s formami sloves (dělam vs dělajų) (da, da, i iznova da, zatože bez togo bųde bordelj, čto imamo tutčas) 2.Kogda pride novy člověk poselati ne toliko poslanije ob pravilah ale takože někako info kake kanaly imamo

Karunova Občina

a. Tajne kanaly Karunov sųt veliko potrěbne. To jest naša čęst občiny i prosto poněkogda jest potrěbno daby smo mogli tam pogovoriti. Potrěbno takože držati tam kulturų, zatože može byti, že slučajno takovy kanal bųde stati sę “vidimy vsim” i togda Ljud trěbuje znati, že my tam zapravdų ne pišemo ničto protiv Občině.

Pouky i pravila

a. Pravila kanala jest potrěbno napisati lěpje. V pravilah potrěbno napisati začto někake kanaly sųt ukryte novakam. Da, bylo by voobće dobro izznačiti kake kanaly sųt ukryte za kogo, ako li hćemo imati maksimalno možnu transparentnost. Mysljų, že cěla situacija so kanalom za karunov ob kakom nikto ničto ne znal stvorila někaku malu nedověru.

b. Pouky kanala jest potrěbno veliko promysliti i decidovati či jest li potrěbno měšati v glåvah ljudi na počętok. Može zapravdų sdělamo dva uravenje pouk, itak bųdemo iměti pouky “za učęčih”, kake bųdųt iměly osnovne informacije - kde iskati slovnik, začto etimologičny alfabet, i tako dalje; a potom bųdemo iměli “za znajųčih język” - tamo bųdųt informacije o staračskom narěčju, filozofiji najvyše råzumlivogo standarda i tako dalje. i takože kurda 10000x někde utočniti že dělajemo prěporuky i ne diktaturu (mimohodom, punkt nr 6 pravil ob tomu govori, že to sųt prěporuky)

c. Pouky vysokogo stilja takože možno sdělati, zatože vysoky stilj jest kakoby råzširěnje MS za Medžuslovjanov, kaki ima koristnost v učenju råzuměnja drugyh Slovjanov.

d. Vsěm hranitunam jest potrěbno pisati staračskym narěčjem (najvyše razumlivo?) vo #medžuslovjansky i medija (obćih za vsěh kanalah), ale vo kanalu #slovjansky, alfabetnyh kanalah i #vněprědmetny mogųt pisati kako hćęt, zatože hranituni sųt priměr za vsěh, jim potrěbno pisati razumlivo, vsěm drugym (ne hranitunam ne pisati korigovanja, jedino novakam prěporųčenja). Itak, hranituni sųt kakoby monahi kaki idųt od prirodnosti izgovora do razumlivosti. Inako ne sųt hranituni. Hranitunov može byti koliko možno.

oddaljanje poslanjij - potrěbno pisati začto v privat

MENJE VAŽNE REFORMY

Odgovorni ljudi

Ne jest potrěbno daby vsaky Karun iměl jedinakų odgovornost. Možno děliti odgovornost, napr. někto jest odgovorny za posylanje Novosti (MAKS), někto za pisanje i korekcijų pouk (MELAC), někto za ješče něčto drugogo. Možemo takože dodati nove odgovornosti. Možemo pomysliti o “lekcijah MS-a” kde prosto bųde někaky dobro govoręči Karun kaki bųde učiti MS novyh ljudi (ANTON: mogų to dělati, tutčas jest taka možnost, zatože novy apdejt Diskorda to dodal). To jest možno vse sdělati.

Kirilica

Kirilica jest oficijalny alfabet MS, zato vsaka oficijalna karunova komunikacija trěbuje byti pisana zajedno latinicejų kako i kirilicejų. To sę tyče novosti, pravil, pouk i tako dalje. Najvyše važno jest daby pisati dvu-alfabetično vsakų komunikacjų kaka jest adresovana do novakov. “Ne znamo je li to potrěbno, ale serverne možno by bylo tako dati”

Karunovo imę

Slovo Karun zvųči mnogo držno (drg (vibe xd) -> držno), ale na žalost to slovo jest od “karati” a my ne jesmo Karajųči. My smo Opekuni, Hrånitelji Ljuda. My smo Rųkovoditelji. Antone - věrjų, že možeš izmysliti držno imę za Karunov kako jednočasno ne bųde strašiti ljudi. (Hranituni?) (:DA:)(:NE!, SLAVA KARUNAM:) (:MI_NE_SILNO_PRIJAJE_KAKO_TO_ZVUCZI_ALE_I_TAKOZS_NE_JESM_PROTIV:) (:MI_NE_SILNO_PRIJAJE_KAKO_TO_ZVUCZI_ALE_I_TAKOZS_NE_JESM_PROTIV:) Ljud Besědy jest najvyše važny!

To jest črtezova versija i uvěrjeno bųdemo jų směnjati.

PLAN VELIKOJ REFORMY

Najprvo hčų daby strěšiti sę so vsimi Karunami (ili daby prinajmeńje vsi Karuni znali, že hčemo sdělati velikų reformų). Potom hčų daby smo skrupulozno obgovorili vsakų izměnų v tom dokumentu. Srdečno prizivajų do komentovanja togo dokumenta i takože do pisanja svojih reform. Hčų vratiti sę na Besědų v bųdųčnom tydnju - može v srědų ili čtvrtok - togda bųdų napisati v novosti poslanje:

<denj> - Novosti Besědy - Pozdrav Ljudu Besědy. Rųkovodniki Medžuslovjanskoj Besědy s radostjų oglašajų čas Velikoj Reformy. V tutdenj v tom městu jest veliky haos a ne hčemo, daby Medžuslovjanska Besěda byla za vsěh městom sporov i vojn. Hčemo tvoriti město prijateljskogo slovjanskogo prijateljstva i bratstva. Toj čas bųde za nas tęžky zato prosimo vsih o vaš dušebny podpor. Vsake prěporųčenja iz kanala #myslji-o-razvoju-servera bųdemo pročitati i obgovoriti, zato akoli imajete někake myslji ili prosto hčete izrěkti to, čto vam sę ne navidi vo našej Medžuslovjanskoj Besědě tako pišite tamo. Dobrogo dnja, brati! <denj> - Новости Бесєды - Поздрав Људу Бесєды. Руководники Меджусловјанској Бесєды с радостју оглашају час Великој Реформы. В тутдењ в том мєсту јест великы хаос а не хчемо, дабы Меджусловјанска Бесєда была за всих мєстом разпрји и војны. Хчемо творити мєсто пријатељского словјанского дружства. Тој час буде за нас тежкы зато просимо всих о ваш дуэебны подпор. Всаке прєпоручења из канала јмысљи-о-развоју-сервера будемо прочитати и обговорити, зато аколи имајете нєкаке мысљи или просто хчете изрєкти то, что вам се не подобаје в нашеј Меджусловјанској Бесєдє тако пишите тамо. Доброго дња, брати! (aktualizovati po latinici)

To može byti poslanje črěz bota aby bylo neutralno

Dobra praca :)

Prěkrasno, jesm karunoval pogrěšky vo genetivu, i malo podiktatoval za razumlivost i rędnost, napisal svoje ględišča >:D

-takože prědloženje: aby karuni probovali koristati konečno napriměr prikaz za pouky ili prikaz za stranice iz bota, jest to bystrějše i takože točno (:DA:)