V Suhoj Krajině

Někde daleko, v krasnoj krajině Prišla suhota, suša velika Ne teče rěčka, tamta pri mlyně Někde daleko, v krasnoj krajině Studnja jest pusta v suhoj krajině A nedaleko, tam pod dubami Mladec govori krasnoj děvčině O svojej ljubvi, v suhoj krajině

Hej, hej, krasivy dožd Nehaj prijde, potrěbny jest Hej, hej, ljubovny dožd Nehaj prijde, k tobě i mně

Tam pod dubami, v suhoj krajině Děvčina kaže krasnomu mladcu Že jejino srdce k njemu ne bije Tam pod dubami v suhoj krajině Pri suhoj rěkě, v suhoj krajině Stavaje mladec i glasno plače Hot svoje solzy prěmnogo lije Rěčka jest suha v suhoj krajině

Hej, hej, krasivy dožd Nehaj prijde, potrěbny jest Hej, hej, ljubovny dožd Nehaj prijde, k tobě i mně

Srdce junaka v suhoj krajině Ne smože nesti tutogo žalja Prěsuha zemja solzy jego pije On umiraje v suhoj krajině A jego duša v suhoj krajině Leti k nebu i išče dožda Posrěd oblakov mladec se vije Oblačnik gledaje k suhoj krajině

Hej, hej, krasivy dožd Nehaj prijde, potrěbny jest Hej, hej, ljubovny dožd Nehaj prijde, k tobě i mně

Duša krasavca v tutoj krajině Našla je v nebu doždlivu rěku Rěka padaje, voda se lije Nebesa dožet v tutoj krajině Gledaj, o ljuba, gledaj o mila Tam rěčka teče, tam nebo plače Tam pod dubami mokroj krajiny Ostalo suho lice děvčiny