Zimova Carica

Medžu travami, medžu nivami Stoji děvčina, pěvati počina A jej pěvanje, nese se gorami nese se odglasami, medžu nivami

Krasna kak ptica, zimova carica Očami svojimi, očami nebeskymi Pogledaje, hytro kak lisica Běle imaje lica, zimova carica

Črny imaje vlas, hladny jest jej glas Ona pěvaje, i vsečto zamražuje Ona zimu zove, a hladny mrtvy mraz ubija vsaky klas, hladny jest jej glas

Ona jest nam dana, črna suknja kako vrana Krasna děvčina, a jej ime Zima Mraz jest jej brat, vsim ona jest znana suknja jej kako vrana, jej ime Morana