Značime rody samurajev

kategorija: KULTURA - OBČINA - HISTORIJA datum: 2022-08-04, avtor: aŠM

Tutoj članok govori o rodah samurajev v godah 1467–1615, v obdobju nazvanom Sengoku Džidaj. Sengoku Džidaj bylo obdobje bojev medžu rodami samurajov i samurajskymi vojevodcami. Sengoku Džidaj počinalo se vojnoju Onin, i končalo se obsadoju grada Osaka, čto možno popisati oddělnym člankom. Značime rody samurajev obdobja Sengoku Džidaj byli:
Rod Oda
Rod Oda byl važny v sjedinjenju Japonije v polovině 16-ogo stolětja. Največša slava roda Oda byla v času moči dajmija imenem Oda Nobunaga (dajmijo jest vyše postavjeny samuraj) i slava roda zakončila se po Nobunagovoj smrti.
Oda Nobunaga (1534 - 1582), iz Wikipedije

nobunagova bronja, iz Wikipedije

Rod Takeda
Največša slava roda Takeda byla v času moči dajmija Šingena Takedy, jednogo iz najznanyh vladarov svojego obdobja. Rod Takeda prisutstvoval se pri mnogyh bojah.
Šingen Takeda (1521 - 1473), iz Wikipedije

Pozdny rod Hodžo
To byl jedin iz najsilnějših bojevničskyh rodov Japonije. Pozdnym nazyvaje se zato, že v Japoniji uže jedin rod imenem Hodžo v prošlosti byl, ale razložil se v prvoj polovině 13-ogo stolětja, i potom lětom 1493 Soun Hodžo (ime Hodžo dobyl poslě svojej smrti) osnoval novy rod imenem Hodžo.
Soun Hodžo (1432 ili 1456 - 1519), iz Wikipedije

Rod Otomo
Rod Otomo byl močny rod v staršem obdobju Kamakura ale postupno slaběl. Rod Otomo byl prvym, ktory strětil se s evropskymi morjeplavateljami. Rod osnoval Otomo Jošinao. Tutčasno žive potomok roda Otomo imenem Otomo Jošihide.
Otomo Jošinao (1172 - 1223), iz Wikipedije

Otomo Jošihide, iz Wikipedije

Popisanje rodov samurajev bude iměti prodolženje.
QR-kod članka